الأم هي الإخصائي الحقيقي 

 

بقلم عبير عبدالله

أخصائي تربيه خاصه

كوني متأكده أنك أنت أخصائي مهم جدا في علاج ابنك مفيش حد سيقومه ويساعده  مثلك انت و هيا لنري كيف  تقدري تزودي إنتباه طفلك وتركيزه وتنمي الإدراك عنده 

 
1) ابعديه عن كل المشتتات زي التلفزيون / الموبايل/ التاب ، و إستبدلي وقت فراغه بألعاب  وإلعبي معاه نفس اللعبة بأكثر من طريقة 

 

2)  دايماً إعرضي الالعاب بطريقة مفاجئة للطفل مثلاً ( اخفيهم و إظهريهم فجأة ) مع تغيير في نبرات الصوت
 ( عالي – واطي – تخين – رفيع ) و تعبيرات وجه مبهجة ، علشان تستحوذي علي كل انتباهه بشكل كامل 

 

3)  علشان تجذبي إنتباه طفلك فى بداية شغلك معاه إبدأى بالحاجات اللى فى مجال إهتماماته  زى الألعاب اللى بيحبها ، حاجه بيحب يأكلها أو نشاط بيحبه . 

4) خليه بقي ينفذ أوامر كتير أوي وعززيه مباشرة 

5 ) دايما إستخدمي مستوى اللغه المناسب لعمره ( يعني لو إبنك عمره سنه ، ركزى  على الكلمات المفرده زي بابا 

6) ماما / ميه / بطه / عين /ايد / رجل / بؤ / ……. ) ....

ولو عمره سنتين خليهم جملة من كلمتين ،وهكذا 

7) خليه ينفذ أوامر كتير بردو وعززيه مباشرة  ( اسمعي الكلام )

 قللي من إستخدام جمل طويلة و الكلمات الصعبة ، مثلا ماتقوليش (جمعلى  أجزاء اللعبة اللي وقعتها على الارض ) ... قوليله : هات اللي علي الأرض 

9) كرري الكلمات الأساسية اللي عاوزاه يكتسبها  مرات ومرات ، لأنه لازم  يسمع  الكلمة كتير علشان يدرك المعني.

10) لو لقتيه مهتم بحاجه  و مركز عليها ، بصي عليها انتي كمان كويس و إظهري اهتمامك و علقي عليها بمستوي اللغه المناسب لعمره ( خليكي زي المعلق الرياضي شوفى اللى عينه بتبص عليه وعلقى عليه  ).

11) حاولي تقلدي الأصوات الموجودة في بيئته و ساعديه علي التعرف عليها و تقليدها و دايما ابدأي بالأصوات المحببه له زي لو أغنية بيحب يسمعها / أصوات  الحيوانات – الطيور – وسائل المواصلات …..الخ

12) متنسيش تخليه ينفذ أوامر كتير وعززيه مباشرة