قصة طالوت وجالوت في القرآن الكريم

لو جيت سألتك تعرف قصه طالوت وجالوت؟! هتعرف تجاوب؟!! طب تعرف تفرق بين جالوت وطالوت وتعرف مين ظالم ومين عادل؟!! كتير منكم ميعرفش مع انها من أروع واجمل قصص القرآن وعشان كده هحكيلكم قصه (جالوت وطالوت) كاملة وهنحكي عن معجزه سيدنا دواد كمان..انت عليك بس تعمل لايك وشير لان التفاعل واقع جدًا وندخل في القصة..   بني اسرائيل كانت اكتر الأمم الي ارسل إليهم الرسل.. اولهم كان سيدنا موسي عليه السلام وبعدين ارسل الله لهم اكتر من رسول.. وهما كانوا دايماً بيكدبوا رسولهم وكمان كانوا بيقتلوهم..¡!   لحد ما مرت عليهم فتره طويله من غير ما يخرج عليهم نبي او رسول.. وفي الوقت ده كانوا معرضين للغزو والحرب.. "وكان عندهم تابوت كبير فيه ملابس سيدنا موسي وهارون عليه السلام وبعض الالواح الي كتب عليها التوراه".. والتابوت ده كانوا بيروحوا ليه اوقات الحروب ويصلوا عنده اعتقادً منهم أنه هيمدهم بالقوة في الحروب..¡! ومفيش اي حد قدر ياخد التابوت ده منهم لحد ما ظهر..   قوم عملاق جدًا وقائدهم كان رجل قاسي وظالم ومرعب اسمه (جالوت)..¡! قوم جالوت حاربهم وانتصر عليهم بسهوله وقدروا ياخدوا (التابوت).. وبعدها طبعاً بني إسرائيل زعلت بسبب الموضوع ده بس مقدرتش تعمل حاجه.. وبعد فتره بعث الله فيهم نبي اسمه (صموئيل)او (شموئيل).. ذهبوا إليه وهما مكسورين ومنهزمين وطلبوا منه.. يدعي ربنا انه يختار من بينهم ملك في حروبهم عشان يهزموا قوم (جالوت) ويرجعوا التابوت..¡! وقالوا له انهم هيحاربوا مع النبي ده في سبيل الله ونشر دينه.. ووعدوا نبيهم (صموئيل) انهم هيعملوا كده..   وفعلاً دعي صموئيل ربنا بأن يرسل لهم ملكً في حروبهم.. وربنا وقتها أرسل له عصي في طول واحد منهم.. وقتها خدوا العصي منه بس الغريب ان مفيش ولا واحد فيهم كان في طولها..¡! وفي وقتها كان في واحد بينقل المياه(علي حمار) وكان فقير جدًا كان اسمه(طالوت).. في يوم ضاع منه حماره وفضل يدور عليه في كل مكان.. لحد ما راح عند بني إسرائيل واول ما شافوه..جابوه لقياس العصي والغريب انه كان في طولها..!¡ فختاره(صموئيل) ليكون ملك عليهم.. بس ده معجبش قوم بني إسرائيل لأن (طالوت) مش من رجالهم ورفضوا القرار ده وقالوا لنبيهم.. (ازاي تختار الشخص ده وهو فقير وملهوش أهل ولا نسب واحنا موجودين)   {وَقَالَ لَهُمْ نَبِيُّهُمْ إِنَّ اللَّهَ قَدْ بَعَثَ لَكُمْ طَالُوتَ مَلِكًا قَالُوا أَنَّى يَكُونُ لَهُ الْمُلْكُ عَلَيْنَا وَنَحْنُ أَحَقُّ بِالْمُلْكِ مِنْهُ وَلَمْ يُؤْتَ سَعَةً مِنَ الْمَالِ قَالَ إِنَّ اللَّهَ اصْطَفَاهُ عَلَيْكُمْ وَزَادَهُ بَسْطَةً فِي الْعِلْمِ وَالْجِسْمِ وَاللَّهُ يُؤْتِي مُلْكَهُ مَنْ يَشَاءُ وَاللَّهُ وَاسِعٌ عَلِيمٌ} سوره البقره(٢٤٧)..   قالهم نبيهم ان ربنا اختار طالوت وبعث فيه القوه والجسد الضخم عشان يكون الملك في الحرب.. ووقتها بني إسرائيل رفضت القرار وادعت (صموئيل) بالكذب..¡!   لحد ما أرسل الله لهم معجزه ودليل علي صدق كلام نبيهم.. والمعجزه دي هيا.. (أن الملائكه هتجيب لهم التابوت المسروق وهتبعته لطالوت)   {وَقَالَ لَهُمْ نَبِيُّهُمْ إِنَّ آيَةَ مُلْكِهِ أَنْ يَأْتِيَكُمُ التَّابُوتُ فِيهِ سَكِينَةٌ مِنْ رَبِّكُمْ وَبَقِيَّةٌ مِمَّا تَرَكَ آلُ مُوسَى وَآلُ هَارُونَ تَحْمِلُهُ الْمَلَائِكَةُ إِنَّ فِي ذَلِكَ لَآيَةً لَكُمْ إِنْ كُنْتُمْ مُؤْمِنِينَ} [البقرة:248]   وفعلاً جت الملائكه حاملة التابوت بين السماء والارض لحد ما وضعته عند يد(طالوت) والناس كلها شايفه بعنيها.. وبعدها بني إسرائيل امنت بكلام نبيهم ووافقوا ان يكون(طالوت) الملك والقائد لجيشهم في الحرب.. وجهز (طالوت) جيش ضخم من شباب بني إسرائيل..لمواجهه (جالوت) وجنوده.. ووصل عددهم ل (80ألف) رجل من بني إسرائيل.. و(طالوت) كان عارف ان بني إسرائيل بتكرهوا وعشان كده حب يختبرهم قبل المعركة.. فمشي بيهم من أرض صحراء مفهاش اي مياه وحر جدًا لحد ما اصابهم العطش بشكل كبير.. ولما وصلوا ل النهر الفاصل بين (الاردن وفلسطين) قال لهم (طالوت)..   (ان الله يريد اختباركم بهذا النهر  ليعلم الصالح منكم والمنافق) {فَلَمَّا فَصَلَ طَالُوتُ بِالْجُنُودِ قَالَ إِنَّ اللَّهَ مُبْتَلِيكُمْ بِنَهَرٍ فَمَنْ شَرِبَ مِنْهُ فَلَيْسَ مِنِّي وَمَنْ لَمْ يَطْعَمْهُ فَإِنَّهُ مِنِّي إِلَّا مَنِ اغْتَرَفَ غُرْفَةً بِيَدِهِ فَشَرِبُوا مِنْهُ إِلَّا قَلِيلًا مِنْهُمْ فَلَمَّا جَاوَزَهُ هُوَ وَالَّذِينَ آمَنُوا مَعَهُ قَالُوا لَا طَاقَةَ لَنَا الْيَوْمَ بِجَالُوتَ وَجُنُودِهِ قَالَ الَّذِينَ يَظُنُّونَ أَنَّهُمْ مُلَاقُو اللَّهِ كَمْ مِنْ فِئَةٍ قَلِيلَةٍ غَلَبَتْ فِئَةً كَثِيرَةً بِإِذْنِ اللَّهِ وَاللَّهُ مَعَ الصَّابِرِينَ} [البقرة:249]   يعني الي هيشرب من النهر ده هيخرج من المعركه وكان عايز يختبر طاعتهم ليه قبل الحرب.. وقالهم ان الي مش هيشرب من النهر هيكون من جنودي الصادقين.. ووقتها شرب من النهر معظم الجيش معاده فئه قليلة جدًا.. ويقال انه شرب من النهر (٧٦ ألف) جندي والي مشربش منه(٤ الاف)بس..¡! ومشي (طالوت) هو وجنوده الصالحين من عند النهر.. عشان يحاربوا (جالوت) وجيشه.. وجنود (طالوت) لما شافوا عدد جيش (جالوت) من بعيد خافوا وقلبهم أتنفض واصابهم (الهول).. وقالوا بينهم وبين نفسهم..(احنا خسرنا المعركه خلاص ده هما جيش قوي جدًا واحنا عددنا قليل)..!¡ ووقتها في عدد كبير من جيش (طالوت) خاف علي نفسوا وهرب من المعركه قدام جيش (جالوت).. ومبقاش فيه مع (طالوت) غير ٣٠٠ جندي بس..!¡ وهما دول الي كانوا مؤمنين بجد وعايزين يدخلوا المعركه في سبيل الله تعالي.. ووقتها خرج (جالوت) بالسيف والدرع بتاعه الي كانوا ضخمين جدًا وطلب من جيش (طالوت) ان حد يخرج يبارزه بالسيف..!¡ وخاف منه جنود (طالوت) لأنه كان ضخم وصوته لوحده قادر يخوف اي شخص.. ومفيش اي حد كان عايز يخرج.. لحد ما خرج من جيش (طالوت) راعي غنم صغير اسمه ايه بقا..؟! اسمه (داود)..قبل ما يروح عند (جالوت) قالهم (طالوت) ان الي هيتقل (جالوت) هيكون هو قائد الجيش وهيتزوج أبنتي.. بس دواد لما خرج خرج عشان يتقل (جالوت) الراجل الجبار الظالم ولأنه كان مؤمن بالله.. فسمح (طالوت) ل (دواد) بأن يبارز (جالوت) بالسيف.. فتقدم (دواد) بعصي وخمسه حجاره..¡! يعني كمان مكنش معاه سيف..¡! المهم تقدم (جالوت) بالسلاح والدورع.. وسخر (جالوت) من داود وفضل يضحك عليه هو وجنوده واهانه.. فوضع (دواد) حجره في (قماشه) كانت في العصي ورفع الحجاره في السماء ونزلت واصابت (جالوت) بين عينه..¡! وقتله..!¡ ايوه مات (جالوت) العملاق من الحجره بأذن الله..¡! وبعدها هجم الجيشين علي بعضهم جيش (جالوت) وجيش (طالوت).. ولكن جيش (جالوت) خافوا من غير سبب وهربوا من المعركة..وده لان ربنا ارسل في قلوبهم الخوف.. ونصر الله تعالي جنوده علي القوم الكافرين..   {فَهَزَمُوهُمْ بِإِذْنِ اللَّهِ وَقَتَلَ دَاوُدُ جَالُوتَ وَآتَاهُ اللَّهُ الْمُلْكَ وَالْحِكْمَةَ وَعَلَّمَهُ مِمَّا يَشَاءُ وَلَوْلَا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الْأَرْضُ وَلَكِنَّ اللَّهَ ذُو فَضْلٍ عَلَى الْعَالَمِينَ} [البقرة:251]   واعطي الله (دواد) عليه السلام الملك والنبوه وعلمه العلم النافع ووفي (طالوت) بوعده وجوز (داود) بنته.. وبقي نبي علي قومه وكان قومه بيحبوه حب شديد لقتله (جالوت) الظالم..بالرغم من صغر سنه وقتها ويقال ان عمره وقتها كان (١١سنه) لما نصره الله تعالي علي (جالوت)   ثم قال تعالى: {تِلْكَ آيَاتُ اللَّهِ نَتْلُوهَا عَلَيْكَ بِالْحَقِّ وَإِنَّكَ لَمِنَ الْمُرْسَلِينَ} [البقرة:252]..