"حامل وبشتغل"
دكتوره رباب المحمدي السويدي اخصائي أمراض النسا والتوليد
أول سؤال بيشغل تفكيرك بعد تأكدك من الحمل هو الشغل !
وبتبدئي تسألي أعمل إيه ! أنزل الشغل ولا لا ؟
هجاوبك .
مارسي حياتك عادي جداً مش مطلوب منك أكتر من الحذر
بل بالعكس خروجك وتفكيرك في مسئولية شغلك هيخلي موضوع حملك أبسط بخلاف التفكير فيه طول الوقت
بإستثناء الحمل ذو الظروف الخاصة واللي بيتطلب مجهود محدود للغاية
في ظروف معينه شغلك فيها هيمر بسلام بإذن الله مثلاً :
١- حملك لو طبيعي ومستقر فإنتي مسموحلك بالمجهود العادي مع عدم الوصول لحد الإجهاد طبعاً
٢-متقفيش كتير مش أكتر من ربع ساعة متصله مثلاً ويكون بشكل سليم علشان ألام الظَهر
٤-لو شغلك علي مكتب إرفعي رجلك بعض الشئ
٥-متشتغليش في مكان شمس ، زحمة ، ضيق
٦-بتراعي طبعاً إختيار ملابس مريحة وأحذية مريحة أيضاً
٧- بتراعي تغذيتك خلال ساعات العمل وفيتاميناتك و السوايل
وأخيراً لو حسيتي بأي مشكلة
(دوار /هبوط / إغماء/رغبه في القئ ) إسترخي تماماً ومتتردديش في طلب المساعدة
متابعتك المنتظمة مع طبيب فاهم حالتك ومقدر قلقك ومطمنك علي نفسك وعلي جنينك هيساعدك كتيير في إجتياز أي مخاوف بتمري بيها
ومتتردديش أبدا فى طلب المساعدة أو البحث عن المعلومة
