قلب الشارع

شعر عامية  ..أيمن عبده    الواد الساكن قلب الشارع حب البنت الساكنه السابع بس البنت الساكنه الرابع كل ما تيجي تبص لتحت تلقي الواد بيبص لفوق هي افتكرت إن الواد بيبصلها سرحت هي ف قلب عيونه بس الواد كان قاصد غيرها أصل الواد كان فارش حلمه في الملكوت والبنت الساكنه الرابع كانت لسه مراهقه فقدت عذرية مشاعرها مع واحد بيبص لغيرها والواد الواقف في البلكونه ليل ونهار قصاد البنت الساكنه الرابع قلبه انهار أصل الواد كان مشغول بيها دقات قلبه تنادي عليها لجل ما مرّه تحن وتحدف طرف عنيها بس البنت كانت مشغوله بقلب الواد الساكن تحت والبنت اللي هناك في السابع كانت بتكمل حكايتهم أصلها برضوا كانت مشغوله بقلب الواد الواقف دايمآ في البلكونه