قولي...
شعر: حسن مرسى
قولى انى ما حبتكشى ..
قولى سيبتك قولى همشى..
قولى انى ما استهلشى
اجرحينى وبكى رمشى
قولى ليا فوقينى ..
قولى كله كان كلام
اوعى ترحمى موتينى
مش وداع كده والسلام
قولى انى ... انى كنت قولى بعتك
قولى خونت قولى انسى قولى هونت
قولى انت .. انت بالنسبالى موت
بس اوعى تانى تانى..
اوعى تدينى الامانى
قولى انى كنت كاذب
وانى جارح وانى جانى
كرهينى حبيبتى فيكى
قولى انى محستكشى
اوعى يوم أصعب عليكى
مهما احاول
قولى همشى كرهينى في كل لحظه
وكل ثانيه
قولى انك مش حبيبتى
وانك انتى وحده تانيه
قولى انى كنت لعبه
قولى ليا اوعى تزعل
ورغم أن الكلمه صعبه
انا هقبلها ومش أسأل
قولى انى كنت حلم
قولى انى كنت وهم
وان حبك كان ده فيلم
اضربينى بالف سهم
قولى انك كنت عادى
قولى انك مش حبيبى
وان حبك برضو عادى
وانك انت مش طبيبى
اجرحينى وزيدى نارى
على المشاعر ما تخافيش
قولى بعدك كان قرارى
قولى انك متساويش
قولى انك فى المشاعر
كنت ما بتعرفش حاجه
وان لما قولت انك احلى شاعر
كان كلام ومكنش حاجه
الحكايه انا عاوز اكرهك موتى
اى شئ كل شيء بيا مره يفكرك
بس وحيات اللى كان
مهما عدى ومهما كان
الموده لسه واخده جوه قلبى يا حبيبتي
ميت مكان
بس وحيات اللى بينا
بعد منك مش هعيش
لو حصل يوم واتقابلنا
هعمل انى ما شوفتكيش .
