هلوسة نانا
نانا المصرى
كل ما زاد تفوقك في أي مجال انت موجود فيه سواء في شغلك أو في وسط صحابك ....
للأسف هيزيد مع التفوق معدل الخيانه.
المشكله مش فى زيادة المعدل وبس المشكله الاكبر أن اللي بيخونك مش هتعرفه لأنه هيقرب منك عشان متاخدش بالك .....
أنه مليان غل منك لانك افضل منه ....
وللأسف محتمل متاخدش بالك...
السؤال اللي جواك؟؟؟؟
هفرق ازاي بين اللي فعلا بيحبني بجد وبين اللي بيدعي انه بيحبني عشان محسش بخيانته ليا؟
قبل ما تعرف الفرق لازم تعرف ان الخيانه مرتبطه بالنجاح طبيعي يحصل خيانه لو انت ناجح...
تعرف الفرق ازاي؟
ده موضوع مرهق جدا وممكن تفهم الأمور غلط. ...
الأفضل ليك انك تخلي اسراك وتفاصيل حياتك بره محيط اللي شايفين نجاحك..
لان النفوس المريضة الجوفاء بقت مالية البلد...
ولو حابب تتكلم اتكلم مع حد بعيد تماما عن الدايره دى ويشترط انه يكون ناجح...
مش بيدعى النجاح عشان يقدر يقرب منك ويطلع على اكتافك....
وبلاش تتكلم عن نجاحك أو طموحك في المحيط اللي حواليك لانك للأسف عايش في مجتمع مريض.....
