"بحلم" بقلم شرين علي

كتبت : شرين علي 

بحلم بإيه ... بحلم بحاجات كتير ... بحلم بالسعاده وراحه البال... وإنى أفرح ...عايزه أرمي كل الماضي وراء ظهري وأنسى..    أنسي طبعا أنسي وأمحي ناس كتيرة من حياتى   عايزه أمحي الناس الغداره، النكديه، المستفزه، بتوع مصالحهم، المنافقين، الكدابين، الحاقدين، الناس المؤذيه واللى بيغيروا من نجاحي... عايزه امسحهم بأستيكه... نفسي أبدأ العام الجديد بحب وهناء وسعاده وراحه بال مع كل الناس إللى بحبهم وبيحبونى بجد وبيخافوا عليا أوى، الناس الغاليين إللى عايزنى أنجح وحابين أكون سعيده... نفسي ربنا يعوضنى خير وأكيد بإذنه هيعوضنى لأنه عالم وحاسس بكل لحظه مريت بها فى حياتى كلها ألم وحزن وظلم بحلم أيوه بحلم وعمري ما حبطل حلم أبدااااا... الحياه حلوه، وأنا قررت أستمتع بكل لحظه حلوه فيها لانى أستحق إيه رأيكم؟؟؟؟؟؟؟؟؟ تيجوا نحلم ببكره..؟ بتمني لكل حبايبى فى بداية سنه جديده تكون سنه سعيده مليئه بالحب والأمل والتفاؤل...