"الناس الحشرية"
كتبت : صابرين مصطفى جابر "رئيسة قسم الأسرة والطفل بمكتب الكويت"
هو إنتي بنتك شعرها خشن ؟ هو إنتي إبنك طالع اسمر كده ليه؟ هو إنتي تخنتي ؟كل ده إسمه إيه..؟ انا بسميه إنك بتتدخل في حاجات مش من إختصاصك، ولا ليك بيها أي صله وناس كتير بتسميها تنمر وأنا بسميها ناس حشرية أوووووي ...
كتير مننا بيتعرض للأساليب دي ولازم يواجهها...
أوعي تسيب حد يستهزأ بيك أو بقدراتك أوعي تسيبي حد يقلل من تفكيرك أو إنهم يتريقوا علي أولادك...
خليكي قويه ودافعي عن نفسك ودافعي عن ولادك اللي إنتي مصدرحمايه ليهم.. مصدر الأمان...
أوعي حد يجي ويقلل من شخصيتك أبدا أوعي تأذي حد بكلمه أوعي تأذيه نفسيا أوعي تتنمر علي حد انا بشوف ان ليها حل انك ماتردش علي الشخص ده لأنك بتقلل من قيمتك أو تعترض علي اللي بيقوله وتوقفه عند حده وخاصة في حياتك وعيلتك اللي أنت مصدر أمانهم.
هما أصغر بكتير من إنك ترد عليهم.. خليك دايمًا واثق من نفسك واثق في قدراتك...
أوعي حد يهز ثقتك في نفسك أوعي يضايق أولادك بغرض أنه خايف عليك.
أكيد أنت أكتر واحد خايف عليهم خليك دايمًا الأمان اللي في وقت الشده يلاقوك وبلاش نعايب علي حد وبلاش نتدخل في حياه بعض....
