النيل والخليج أخوات
شعر / وليد ماضي
النيل والخليج أخوات
وبينهم سر
ربك وحده عالم بيه
وبينهم عشق ..
بتفضحني العيون لما
أحاول إني مره اداريه
أنا اللي مادد الخطوة
وقلبي براح ..
انا اللي زارع البسمة
مع الأفراح
وانا شاري محبتكم
يا آل صباح
وراسم حبكم قبله
وسنة وفرض
انا اللي قلت دي بلدي
وجيت لبيت
أنا يا كويت ..
رسمت العشق كام غنوه
فلا يهمك
كلام حاسد
ولا حاقد
لا هما ينتموا لينا.. ولا ليكي
دي ناس أغراب
دي ناس غاوية فتن وخراب
فلا يهمك
انا ليهم وبالمرصاد ..
عشان عشقك هنا يا كويت
سكن في القلب
فلا حدوده بطول مسافات
ولا تحدوش حدود وبلاد
