أنا والخل حكاية عشق
بقلم :فيفى سعيد محمود
ببساطة شديدة كلنا بنستعمل الخل فى بيتنا من زمان جدا فى نقع الخضار والسلطة
لكنى هحكى تجربتى معاه لدرجة العشق .
يوميا كنت بحط نقطتين خل مع بريل المواعين لأن البريل مهما تغلسي وتشطفى كويس هيفضل آثاره ودة بيسسب سرطان وأحيانا برمى قشر الليمون فى زجاجة البريل .
لكنى بدلت دة بعد معرفتى إن اختلاط البريل مع الخل أو الكلور بيسبب مشاكل تانية إحنا فى غنى عنها .
وبما إنى مش متنازلة عن الخل بعد شطف المواعين بنقعهم شوية فى مية وخل
وخصوصا الإستالنس أطباق وملاعق ودة موجود عندنا كلنا .
الملاعق بعد ماتصفيها كويس من المية فى ناس بتسيبها بصفاية الملاعق وناس بتحطها فى درج الملاعق ، المهم تتحط فى كيس نايلون بعد التعقيم لأن الاستالنس الفيرس بيعيش عليه ٢٠ ساعة .
نضفى ترابيزات الأكل بعد المنظفات زى الكلور بنقطتتين خل للتعقيم من الكلور وأى جراثيم .
سكينة المطبخ والخلاط وكمان قطاعة الخضار وبالأخص قطاعة اللحمة أكيد محدش بيستعملهم غيرك ياريت بعد غسلهم كويس التعقيم بنقطتين خل بعد ما تخلصى .
جردل القمامة بعد غسله ياريت رشة خل بسيطة تمنع تكون أى جراثيم أو فيروسات .
كمان ممكن تحطى رشة نشادر على جردل القمامة علشان القطط متقربشى منه وتقلبه .
غسيلك أثناء الشطف نقطة خل فى المية للتعقيم .
واغسلى غسالتك كويس واشطفيها بمية دافية وكلور وبعدين مية وخل .
الناس اللى مجنونة بمعطر الجو وأنا منهم بلاش والنبى اليومين دول وخل ومية بالبخاخة مش هتضرك لتعقيم الجو .
أى لعب للولاد مية وخل بسرعة .
الأحذية كلنا بندخلهاالشقة وكلها جراثيم ياريت تتنضف وبقطنة وخل .
البرد الإنفلونزا طول عمرنا بنتعزل فى الأكل والكوباية اللى بنشرب منها وسوائل دافية كتير وبنام فى غرف منفصلة مش عيب بنحافظ على باقى البيت ،لكن نقطة خل لتعقيم إيدى متضرش ولو شربت نقطة خل يبقى كل المنا والراحة
دى تجربتى مع الخل .
مصدرى أنا .
لماذا ؟خوفا على بيتى وولادى قبل الفيرس وبعده .
ويابختى بيك يا جوزى الميزانية باظت .
احمى نفسك احمى عيلتك .....تحمى بلدك
