العلامة الكبرى الثانية نزول عيسي عليه السلام

العلامة الكبرى الثانية نزول عيسي عليه السلام الدجال مستمر فى فتنة الناس مستمر فى اغوائهم وهناك من يصدقه وهناك من يكذبه ... وقتها هيكون المهدي والي معاه رجعو للشام وعرفوا ان المسيح الدجال ظهر 

.. وهيروحو يختبئوا في جبل في الشام حتى يصل لهم الدجال فيحاول يتسلق الجبل لكى يقتلهم ولكن يفشل ..... ويستمر الدجال يحاصرهم في اسفل الجبل ومعه عدد كبييير من الناس من اتباعه مستني أي فرصة عشان يقتل المسلمين والمسلمين فوق عددهم قليل جدا ومعاهم عتاد بسيط جدا ومفيش حاجة بتوصلهم لا اكل ولا شرب .. فيقوم واحد من المسلمين ويقلهم الى متى هنفضل كده ؟؟ لغاية ما الاكل والشرب يخلص ؟؟ ولا لغاية ما الدجال يطلعلنا ؟؟ احنا لازم ننزل نقتل الدجال الكداب الاعور لازم ننزل نحاربه ونقتله فيقرروا هذه الليلة انهم هيصلوا الفجر وبعدها ينزلوا من الجبل يحاربوا الدجال حتى لو كان عددهم قليل وحتى لو كان هو اقوى منهم خلاص مش هيستمروا اكتر من كده محبوسين ومحاصرين .. خلاص اتفقوا على قتال الدجال وعزموا عزم اكييد على كده ... فيآذنو ويقيموا لصلاة الفجر وقبل ما يبدأو الصلاة الدنيا هتظلم عليهم فجاة هتظلم جامد لدرجة ان الواحد منهم هيطلع ايده مش هيشوفها ... ظلمة شديدة جدااا .. في الوقت ده هتنشقق ابواب السماء وهينزل سيدنا عيسى ابن مريم عليه السلام على المنارة البيضاء شرقي دمشق .. طيب فين المنارة دي بالتحديد ؟ في منارة بيضاء في شرقي دمشق قيل ان دي الي هيكون نزول سيدنا عيسى عندها وفي علماء بيقولوا انه سيدنا عيسى هينزل عند منارة من منارات الجامع الاموي بدمشق ولا يعرف احد اين توجد بالتحديد ربنا وحده اعلم ... هينزل سيدنا عيسى وهو حاطط ايده على اجنحة ملكين ولابس ثوبين مصبوغين بلون اصفر بنبات اسمه ورس وبنبات الزعفران وشعره بيلمع وكانه اتصب عليه مية .. بعد نزول سيدنا عيسى عليه السلام سيذهب للمهدي و اتباعة والدنيا عندهم ظالمة جدااا فعندما يصل لهم سيدنا عيسى هتختفي الظلمة ليجدوا سيدنا عيسى قدامهم .. رجل مربوع القامة (يعني مش طويل ولا قصير ) وصدره عريض .. لون بشرته بيميل للحمرة والبياض .. شعره طويل وناعم .. لابس لبس الحرب ومستعد للقتال ... فيفرح المسلمين به لانه نزل وموجود بينهم ويفرح سيدنا عيسى عليه السلام بيهم .... ويقول له المهدي : تقدم ياروح الله صل بنا ... فيقول سيدنا عيسى : لا بل بعضكم لبعض إمام انت تقدم فصل باصحابك ... قال رسول الله صلى الله عليه وسلم (ينزل عيسى بن مريم فيقول أميرهم المهدي تعال صل بنا فيقول لا إن بعضهم أمير بعض تكرمة الله لهذه الأمة ) فيتقدم المهدي ويصلي بيهم .... {صلاة سيدنا عيسى خلف المهدي مش معناها ان المهدي افضل من سيدنا عيسى !! بالطبع لا!! سيدنا عيسى عليه السلام نبي من الانبياء ومن اولى العزم من الرسل والمهدي امام من ائمة المسلمين وقائد من قوادهم .. الرسول صلى الله عليه وسلم ايضا صلى خلف سيدنا ابو بكر وخلف عبد الرحمن بن عوف (رضي الله عنهما ) وهو صلى الله عليه وسلم افضل منهم هما الاتنين والحكمة من صلاة سيدنا عيسى خلف المهدي حتى يظهرانه نزل تابع لمحمد صلى الله عليه وسلم وحاكم بشرعه لان شريعة الاسلام ناسخة لكل الشرائع الي قبلها وهي اخر الشرائع والرسول محمد صلى الله عليه وسلم اخر الرسل } ... نكمل لما يخلصوا صلاة هيخيرهم سيدنا عيسى بين 3 حاجات يا اما ربنا يبعت على الدجال وجنوده عذاب من السماء او يخسف بيهم الارض او ربنا يسلط سيوف المسلمين على الدجال واتباعه ويكف سيوف الدجال واتباعه عن المسلمين .. يسآلهم سيدنا عيسى هتختاروا ايه ؟؟ .. شايفين ربنا كريم ازاي بعد ما كان المسلمين محاصرين في الجبل ومفيش حاجة بتوصلهم والدجال تحت مستني أي فرصة عشان يقتلهم نزل عليهم سيدنا عيسى وخيرهم بين 3 حجات يهلك بيها الدجال .. هذا يوضح لنا قد ايه ربنا كريم ومع عباده دايما وفي كل وقت ووعد عباده المؤمنين بالنصر قال تعالى (إِنَّا لَنَنصُرُ رُسُلَنَا وَالَّذِينَ آمَنُوا فِي الْحَيَاةِ الدُّنْيَا وَيَوْمَ يَقُومُ الْأَشْهَادُ ) سورة غافر