ابني شخص مسئول واثق من نفسه
كتبت / عبير عبدالله
اخصائيه واستشاري تربية خاصة
كيف تجعلي ابنك شخص مسؤول و واثق في نفسه ..
اديله الفرصة المناسبة ليشعر بالقوة ...
لو معملتش كدا هيروح يدور بطريقة تانية ازاي يشعر بقوته
فمثلا أطلب نصيحته ...
أو إسمح له بالإختيار ...
أو خليه يساعدك في المطبخ ...
خليه يختار لبسه و انتم خارجين ...
الطفل في سن صغيرة بيعرف يعمل حاجات كتير ... بس انت اسمح له و خليك جنبه اول و تاني مرة و هو بيعملها...
دايما بعمل كدا مع أولادي يحيي و ياسين ... ساعات بيكون الوقت ضيق و بكون عايزة انجز ... بس برجع و اقول علي طول الوقت هيكون ضيق ... امتي الوقت هيسمح ... هو دا الوقت المناسب ...
و فعلا بقف جنبه و هو بيحضر العشا و يقلي البيض ...
بيكونوا سعداء جدا بإنجازهم ...
بيثق في نفسه اكتر ...
وبعد كدا لما بطلب حاجة دايما بيكون سباق ...
حاجات صغيرة جدا مبنخدش بالنا منها و لكن هي بيتأثر تأثير بالغ في شخصية اولادنا ...
امنحي طفلك الامان النفسى فى علاقته معك بالتعامل الصحى عن طريق الاحترام و التقبل و العدل و الحنان و الحب و الاهتمام و الصدق
نصيحة ع الماشي
مفهوم التربية السليمة اني اعرف اطلع احسن مافي اولادي .. يوم ما يطلع السئ ... يبقي ده اسوأ ما عندي.
