ماتقلقوش
بقلم/ محمد حسنين
ماتقلقوش
سينا فيها وحوش
ماتقلقوش
راحوا مارجعوش
حرروها وطهروها
خضروها وعمروها
مايأسوش
بنوا فيها المداين
زرعوا بساتين جناين
وللعالم صوروها
مايأسوش
كانت صحره ورمله
صارت اشجار وخضره
ولسه ماتعبوش
سينا ياارض الانبيه والمعجزات
سينا ياتاريخنا اللي راح واللي آت
سينا فداكي ابني اللي راح ما مات
سينا اهلك عليكي مابيبخلوش
سينا فيها وحوش
اللي راح مش ح يعدي سدي
سينا فداكي يامقبره لكل عدي
سينا بنورك الكل اهتدي اهتدي
ياارضنا وعرضنا ولادك مانسيوش
سينا فيها وحوش
ياارض الفيروز والزيتون
مرويه بالدم ودمع العيون
لسه فيكي احياء يرزقون
لسه احياء لسه مامتوش
ماتقلقوش
ولادنا مابيموتوش
الجندي عارف آخرة حياته
بعد عيد ميلاد أيامه وسعاته
يابخت الشهيد ساعة وفاته
ابتسامه عاليه فارد درعاته
مقبل ابدا ابدا مابيخافوش
سينا فيها وحوش
ماتقلقوش
