مشنة سعيدة الحلقة 9 بصيص أمل... بقلم :عاطف محمد

الكاتب :عاطف محمد

فى داخل المستوصف جلست رسمية تتباهى بالغوايش الذهبية والخاتم، فقد كانت هذه الغنيمة ثمنا لنقلها أخبار موت أيمن بجرعة هيروين، مما أساء لعائلة قاسم وسعيدة، وثمن أشياء أخرى... لا داعى لذكرها
تفتكرى ضميرك مستريح يارسمية(بعتاب وحزن)
طبعا هو أنا قولت حاجة غير إللى حصل(قالتها ببجاحة شديدة)
حرام عليكى أنت خليتى سمعتهم ف الأرض، كنتى استريهم ربنا يسترك
والنبى أنت إللى طيبة ، هما لو مش تجار مخدرات، كانوا جابوا الأرض دى منين ، دول تلاتين فدان وف حته ملهاش حل.
إن بعض الظن اثم(غاضبة)
اعتماد اسكتى خالص(صارخا) ، الزمن ده مش بتاع إللى زيك كل حاجة ولها تمن(ورفعت يدها وأشارت للغوايش)
واهه، التمن عسل ووصل(قالتها بفرح )
ربنا مش هايسيبك يارسمية ودعوة المظلوم قاسية على الظالم
انا ماظلمتش حد وقفلى على الموضوع ده(ثم تركتها وانصرفت) شيعتها اعتماد بنظرة غاضبة
صحيح خد بالك من تلاته جعان جمع فلوسه بالخسة والندالة وجاهل حفظ حكمة متقاله وغبى فكر الحبل ثقاله

_ظل فرج و أدهم لمدة أسبوعين خلف ذلك الفندق فى مكان لا تراه العيون بسهولة ولا يخطر ببال أحد ، يقتاتون من مخلفات الفندق من طعام وشراب إلى أن استردا عافيتهما وأصبحا قادرين على الحركة وزاد ارتباطهما وعرف كل منهما كل شئ عن الآخر ، وبعد الاستشفاء ،قررا البحث عن عمل ولكن قبل مغادرة المكان وأثناء الاستعداد للتحرك انشقت الأرض على فتاة جميلة الملامح تنظر لهما بعطف وشفقة
سألتهم باليونانية التى جهلوها
Τι κάνεις εδώ?
بتعملوا ايه هنا؟
مش فاهمين قصدك أيه؟
Ποιος είσαι
انتم مين؟
فهم فرج من اشارتها أنها تسألهم عن اسماءهم
انا فرج ....فرج قاسم
وده أدهم.... أدهم لطفى
انا واخده بالى منكم بقالى تلت ايام وشيفاكم
Το παίρνω στο μυαλό μου από εσάς, το μανάβικο μέρες αργότερα και θα σας δω
مش فاهمين أنت قصدك أيه(فكر فرج ثم سألها)
Are you talking English
هل تتحدثين الانجليزية
yes I speak english
نعم اتحدث الانجليزية
تمام انا فرج وهذا أدهم من مصر
Well, I am Faraj, and this is Adham from Egypt
اهلا بيكم
Welcome
من ثلاثة أيام وأنتم هنا أراكم تأكلون من بقايا الفندق
Three days ago, while you are here, I see you eating from the
remains of the hotel
لم يكن أمامنا غير هذا الحل فقد كنا فى حالة صحية سيئة
We had no other solution than this, as we were in poor health
ارجو ان تتفضلوا معى داخل الفندق امى سوف ترحب بكم كثيرا
Please contact me inside the hotel, my mom will welcome you very much
نظر فرج لادهم وقالا فى نفسهما ماالضرر ندخل ونرى.....
الكلمات ممكن تكدب لكن التصرفات بتبين الحقيقة
وكمان فيلسوف
أدينا هاشوف.....
ما أسمك انستى
What is your name miss
اسمى ساندرا SANDRA
يعنى أيه؟
وده وقته(ابتسمت لقول أدهم واجابت)
معناه باليونانية الحامية والمساعدة
My name is Sandra, and in Greek it means Hamitic and Helper
نشكرك ساندرا على دعوتك الكريمة
We thank you, Sandra, for your kind invitation
نظر ت لهما بابتسامة حانية وأشارت لهما بيدها فتحركا خلفها لداخل الفندق
لم يكن الفندق من الفنادق ذات النجوم الخمس ، فقد كان متوسط الحال الكل يعمل ، والفندق به الكثير من السياح من جنسيات مختلفة....
وعند وصولهم إلى الاستقبال ظهرت خلفه غرفة مدير الفندق ، طرقوا الباب ودخلوا ، وعلى المكتب كانت تجلس سيدة فى الخمسين من عمرها ولما رأتهم ابتسمت بود وتحدثت باليونانية...
اهلا وسهلا من هؤلاء الشباب يا ساندرا
انهم شابان من مصر وهم فى حالة سيئة وذكرت لهما انهااجاتا Agata والدة ساندرا
رحبت اجاتا Agata بهما وعرفتهم ساندرا ان اسم أمها معناها باليونانية طيبة القلب
عرفت حكايتهم كلها ، تعاطفت معهم وقد أخبرتهم أنها تحب كل ماهو مصرى فقد عاشت فى الاسكندرية فى الازريطة مع زوجها والد ساندرا المصرى مدة كبيرة ، وقد توفى فقررت العودة لبلدها ومنها إلى قبرص لمتابعة وإدارة مشروع الفندق الذى تركه لها زوجها، لهذا فى تريد أن تكرم كل مصرى اكراما لزوجها ، وتحدثت معهم باللغة العربية ولهجة أهل إسكندرية تحديدا وقصت لهم مواقف كثيرة عن شهامة وجدعنة زوجها سمير يوسف ، ولأنها كانت محبوبة فقد كان لها معارف واتصالات كثيرة
اتصلت بالسفارة المصرية "

_ أصبح قاسم مدمنا و لا حول له ولا قوة
جاء الملثم لاصطحاب قاسم إلى أحد المناطق المشهورة بتجارة المخدرات بالقاهرة لتركه هناك ، حيث يصبح عبد المخدر التى تملكت منه، وفى خدمة شمة هيروين او أى مخدر وعليه أن يبقى هكذا، فلن يشفى من تلقاء نفسه ولن يعود إلى كفر العنب وبهذا يتخلص فريد واصل من أكبر المساندين لسعيدة زوجها قاسم والتخلص من سعيدة نفسها وبالفعل حدث مااراد وكانت فكرة شيطانية

_ ظلت سعيدة قيد التحقيق فى القضية ولكنها ظلت متمسكة بايمانها الشديد أن الله عز وجل سوف ينفذها مما هى فيه ، ،ظلت فى حوارها مع نفسها فى محبسها ، وقد أحزنها ما قالته رسمية عن عائلتها وتذكرت كلام ام خيرى هاتعملى أيه مع رسمية لو شفتيها اكيد هاتاكلى مصارينها ، وتذكرت دهشة ام خيرى عندما قالت أبدا مش هاعملها اى حاجة، ربنا يديها على قد نيتها، لو حد ضربك بخنجر كلامه المسموم أوعى ترد الضربة بنفس الخنجر أنت ممكن تقتله بضحكتك بوشك البشوش ، ساعتها ها يعرف ان كلامه مالوش لازمه، عارفه يا ام خيرى بدل ما نقول الحيطان لها ودان نقول الملائكة لها أقلام هاتكتب لينا إللى تخلى ربنا يرضى علينا
وضحت عندما تذكرت رد ام خيرى
صحيح لو شجرة الموز طرحت جنزبيل عمر الواطى ما يبقى اصيل
ولو العنب شكله اتغير عمر الأصيل ماهيتغير
وهنا تذكرت أيمن ابنها
اصعب شوق انك تشتاق لحد مش هاتشوفه تانى، ومش هايعوض مكانه اى حد لانه مش هايتكرر، بس إللى يريح قلبك انك هاتشوفه فى عالم تانى بشكل تانى ثم دعت الله بقلب عامر بالإيمان
يارب احنا مش بنختار مين نحبه ومين نكرهه وزى ما احنا مش بنكره حد حتى لو أساء لينا أدينا يارب نعمة وجودنا فى الاخره مع إللى بنحبهم
يارب بكل ذرة حب جوانا لكل الدنيا نجينا من إللى احنا فيه جمعنا تانى على كل خير يارب يارب
ثم أكملت الدعاء الذى حفظته من شيخ الجامع والذى تحفظه عن ظهر قلب
لا إله إلّا أنت سبحانك إنّي كنت من الظّالمين” . ” اللهم رحمتك أرجو فلا تكلني إلى نفسي طرفة عين، وأصلح لي شأني كله، لا إله إلا أنت”. وإن لم أتضرّع إليك فترحمني فمن ذا الّذي أتضرّع إليه فيرحمني. ونجّني ممّا أنا فيه من كرب بفرج عاجل وغير آجل وبرحمتك يا أرحم الراحمين
وهنا وجدت قلبها يهدأ عندما تذكرت ابنها فرج وزوجها، لماذا ؟لم تعرف السبب ولكنها أحست بذلك واحست ان الله استجاب الدعاء

_ قامت رضا من نومها فزعة بسبب كابوس تملك منها وافزعها ، فقامت تصرخ
استيقظ كل من فى الدار وجرى الجميع على رضا
فيه ايه مالك؟
مافيش ياصابرين ، باينه كابوس
أحضرت هنية كوب ماء ناولته لصابرين التى سقت رضا
بسم الله الرحمن الرحيم أهدى أهدى
ننقهلما المستوصف
مافيش داعى ياعرفة هى هاتبقى كويسه
طب اجيبلك حاجة تاكليها أنت نمت من غير عشا
مش جعانه يا فرج
انا سعيد يارضا فرج لسه غايب
ربنا يرده بالسلامة (أنهى عرفه الحوار حتى لاتنفتح جراح لا داعى لها)
كله ينام تصبحى على خير يارضا
نام الجميع إلا صابرين
كابوس أيه إللى شفتيه
تنهدت رضا وزفرت نفسا عميقا وقالت شفت أبويا وامى و فرج فى بير غويط وبيحاولوا يطلعوا لكن كل ما حد يقرب يطلع يجى غراب اسود ينقر أيديهم فيقعوا تانى فى البير
وشفت راجل لابس أبيض جاى من بعيد ، الغراب لما شافه بعد لكن الراجل ده اختفى فجأة، ورجع الغراب تانى وكان بيطلع صوت زى التعبان وكان عايز يقرصنى....
انزعجت صابرين من الحلم ولكنها أخفت ذلك الانزعاج وهدأت من روع رضا...
يا شيخه ماتاخدش فى بالك ربنا مش ها يخلف ظننا، هو الضابط حسام ماكلمكيش فى حاجة
حاجة ايه؟!
يعنى قضية امى، اختفاء أبويا وفرح، اخبار التحقيق فى موت أيمن
لاء
ومالك بتقولها كده ليه
نامى انا مش فايقه لك .

_ داخل حجرة النوبتجى جلس الضابط حسام على المكتب وامامه الضابط سامح
تفتكر يا حسام باشا فيه دخل بين الحرامى إللى قبضنا عليه وهرب وقضية المخدرات بتاع سعيده
كله هايبان يا سامح بيه ، عملت إللى قولتلك عليه
كله تمام( ثم ناوله ملفا ) الملف ده فيه كل إللى حضرتك طلبته
تمام اشكرك ياسامح بيه
تلاميذ سيادتك يا باشا
قرأ حسام الملف وفجأة رن جرس التليفون رفع السماعة بسرعة كأنه ينتظر تلك المكالمة .
ألو أيوه يا عاطف باشا ، معقول ،تمام عرفتوا اى حاجة ، كده طب تمام
مش عارفين نودى جمايلك فين باشا
لا أنت تشرف فى اى وقت ، فى أمان الله يا عاطف باشا، اه هاشوف إللى ع الوتس، أوامر معاليك ، سلام سلام
انهى المكالمة وانتقل إلى الواتس ورآى ماارساله عاطف باشا وهو أحد قيادات الداخلية وتربطه بحسام صداقة وزمالة العمل السابق فى القاهرة ....
معقول (ظهر الفرح على ملامح حسام )
فيه حاجة يا حسام باشا
فيه حاجات ثم كتب ورقة وأعطاها لسامح
المهمة دى اعملها بسرعة ودقة
نظر سامح فى الورقة
تمام أعتبره حصل يا باشا وأدى التحية وانصرف.

ماهى مهمة سامح؟
وماذا عرف حسام ؟
وماهى الأحداث القادمة
كل هذا وأكثر فى الحلقة العاشرة من مشنة سعيدة انتظرونى هنا فى هذا المنبر الاعلامى فهناك ( أحداث ولا أروع.... )