طول عمر النيل پيجرى وهايجرى ...بقلم عبدالرحمن احمد حسان
الشاعر عبد الرحمن احمد حسان المصريين بالخارجوعمر النيل ياولادنا بيجري وهايجري
ومن يومها مصرنا محروسه بحفظ الله
وعارفينك يابلدي قويه وعفيه وولاده
وفيك الخير دايم وبزياده كما العاده
حماك الله يابلدي وابنيك انا وولدي
ونرفع قد مانقدر ونعلي فيك البنيان
ونعلا بيه قوي ونعلا لفوق كمان وكمان
وتزيد بينا مع الايام غلاتك وخيراتك
وهايعمرك بعرقه يابلدي ابنك الإنسان
ولايقربك ياغاليه يوم خسيس وجبان
ونفضل زي ما اتربينا قطنك لناعنوان
وعمر المصري ما بات في يوم عطشان
انا ابنك يابلدي ولحم كتافي من خيرك
اسافر ولا اهاجرعمري في يوم مانسيتك
تاخذني الغربة ارجعلك دمي هوه دمك
ويوم ماارجع واشم هواك ابوس ارضك
وتغلبني اشواقي اقولك انا في عرضك
يللا ضميني وامسح دموعي بمناديلك
وتحضني وتضمي اصيله انت ياامي
ومين غيرك قوليلي يوم حمل همي
علشان كده اقسم لك وتشهد مواويلي
ماحد في يوم هايقدر ابدايوقفه نيلي
ولايمنعني او يكون سبب في تعطيلي
ماهو من يومه نيلي بيجري وهايجري
******************************