أكشن : مشهد من فيلم ـ مش هاتشوف نهايته!!
شريف رستم المصريين بالخارج
فيه فيلم .. شُفت .. نَفسَك فيه
وفيلم .. غيرك .. ينافسَك فيه
وفيلم .. نِفسَك تكون .. البطل فيه
وفيلم .. نِفسَك تكون .. مع كُلّ ناسَك فيه
وفيلم .. كانِت .. ذكرياتَك فيه
وفيلم .. خانِت .. عيونك فيه
وفيلم .. ساحِت .. دموعك فيه
.. وبين 7 أفلام .. تلاقيك
فيلم - كُنت - البطل فيه
وفيلم - كُنت - المُشاهِد فيه
وفيلم - أخْرَجْت - المَشاهِد فيه
وفيلم - تستنزِف - مشاعرَك فيه
وفيلم - تستَعْذِب - ألامَك فيه
وفيلم - تسترْسِل - بشِعْرَك فيه
وفيلم - تستَعْرِض - حياتَك فيه
.. وبين 7 أفلام .. ولِسّه
مستنّي أكشن - لفيلمك
.. اللي تعرِض فيه
إسمك .. علىَ تتر تختم بيه
مشهد - نهايتَك ..
لغيرك - يشوفك فيه