الميراث

 

لحظة وداع الحياه .. لحياه

نفسي أسيب مِنّي .. أثر

مالهوش علاقه بمال - وجاه

أكوام ورق - فيها كلام

مغزول .. لأي ناس تقراه

ناس تلاقي .. فيه حياه

وتشمّ ريحة - وطن - جوّاه

.. وناس تلاقي - بيه - نجاه

مِن أي زيف انكشف .. مغزاه

وناس .. مِن كُتر ما حسّاه .. في مداه

عايشاه .. بتاخُد منّه شيء عايزاه

وناس .. تحسّ فيه الفرق ..

في التوقيت بين ( لأ ) و ( آه )

وناس تقول : بكلامُه ما ننساه

.. وناس تقول : ياااااااااه !!

كلام وفيه العِبَر ..

فيها الحروف بميزان

لكل روح - مُنصفه

.. تلاقي ليها - مكان

وفيها شُكري لكُم - كُلّكم -

لِلّي حضن معناه .. والّلي يتبنّاه

والّلي بيردّده .. يقول : جزاه الله