الوقاية من الفطريات لمرضى السكر والقدم السكري
كتب : دكتور هشام محمد علي
(استشاري التغذيه العلاجيه والطب التكميلي و النباتات الطبيه)
نعرض إليكم كيفية الوقاية من الفطريات لمرضي السكر والقدم السكري :
حاول تحافظ على رجليك كويس وافتكر دائما أن مشاكل السكر يمكن تفاديها بكل سهولة.
_ طبعآ قبل كل شيء لازم معدل السكر عندك يبقي مظبوط على العلاج سواء أقراص أو انسولين.
_ افحص قدميك يوميآ بتمعن خصوصا الاصابع وما بينها.
_عند قص الأظافر اترك مسافة كافية بين القصافة والجلد منعا لحدوث جرح.
_ اغسل القدمين كويس جدآ خصوصآ بين الأصابع واستخدم فوطة قطنية للتنشيف الجيد وخصوصآ بين الأصابع.
_ عند ظهور فطريات بين الأصابع (علامات بيضاء بين الأصابع يصاحبها حكة أو هرش) استشر الطبيب لبدأ العلاج المناسب.
_ عند بداية الاحساس بتنميل أو حرقان بالقدمين استشر الطبيب لبدأ فيتامينات أو علاج مخصوص للأعصاب.
_ دائما ارتدي أحذية طرية ومقاس أكبر منك تفاديآ لحدوث مشاكل وطبعآ فى أحذية طبية أو نعل طبي يمكن استخدامه.
_ دائما ارتدى شبشب أو حذاء خفيف فى المنزل (اوعى تمشي حافى)
_ حافظ على نعومة القدمين باستخدام الكريمات المرطبة (اوعى رجليك تشقق).
_ أثناء فحص القدمين اليومى لو لقيت تغيرات فى اللون أو بدايه قرحة صغيرة معلش اكشف ضرورى وما تستسهلش وتقول كريم مضاد حيوي هيخليها تخف ( اوعى تعمل كده دى بداية المأساة).
_ فى الحالات المتقدمة لا قدر الله من التهاب الاعصاب الطرفية فى السكر التى يحدث فيها فقدان للاحساس من القدمين يجب ارتداء الأحذية الطبية فقط داخل وخارج المنزل مع الفحص اليومى للقدمين.
أخيرآ لا تقلق لو حافظت على معدل السكر فى الدم فى المعدل الطبيعي مش هيحصل أي مضاعفات.
