الممرض صاحب واقعة الاهانة باكياً: بفكر في الانتحار

قال عادل سالم الممرض صاحب واقعة الإهانة من طبيب جامعة عين شمس، إنه قام بالادلاء بكفة تفاصيل الواقعة في التحقيقات التي جرت اليوم مؤكداً أنه وقت الواقعة لم يكن قادراً على الحديث فقط كان جل تفكيره أن يخرج من ذلك الموقف السخيف قائلاً : " انا راجل بسيط جداً وبحب شغلي ووقت الواقعة مكنتش أقدر أعمل حاجة لأن أللي حصل كان من أساتذتي الكبار كنت بفكر بس اخرج من الموقف ده "
تابع ً"سالم" "انا مكنتش أعرف ان ده يحصلي الطبيب إستدعاني وكنت فاكره عاوزني في شغل لحد مافوجئت بالي حصل ده وتم إغلاق الباب وقتها ولم استطع الخروج كان فيه حد واقفلي على الباب منعني من الخروج " مضيفاً "أنا فوجئت بالواقعة وكنت عاوز أخرج من الموقف بالشكل ده ومكنتش أعرف أني بتصور وفوجئت بحد بيكلمني بيقولي شوفنا الفيديو وفكرت حد بيهزر من زمايلي أو الاطباء وقفلت السكة في وشه وقلتله أنا في عملي لكن فيه حد من المستشفى قالي رد على الي بيتكلم دي جهة سيادية بتحقق "
أكمل الممرض " مكنش هزار ودخل معايا في الواقعة على طول وقالي إزاي تقول على الكلب بتاعي كده؟! والحكاية دي حصلت من 6 اشهر"، " أنا ولادي عندي بالدنيا ومش عايز أتكلم كتير في الموضوع ده وانا أدليت بأقوالي في التحقيقات النهاردة ".

وكشف أنه تواصل مع الطبيب صاحب واقعة الاهانة قال له : " الموضوع بسيط ياعادل لاتقلق ولما وجدته في التواصل الاجتماعي وشاشات التلفاز تعرضت لانهيار" متابعا باكيا، "أنا مش عارف أخرج من البيت ولا عارف أمشي وافكاري بتروح لحاجات كتيرة "الانتحار".

وقاطعته الحديدي قائلة: لا أرجوك إرفع راسك فوق أنت راجل محترم بلاش الافكار السودة دي أنت لم تخطأ والمخطأ هو الي يستخبى في البيت ويخاف مش إنت أنت محترم ولا حد يتكسف منك ".

كان مقطعاً قد غزى منصات السوشيال ميديا بالامس ظهر وابرز أستاذ ورئيس قسم العظام بكلية طب عين شمس، لأحد أعضاء هيئة التمريض بإحدى المستشفيات الخاصة، بما يتنافى مع الأعراف والتقاليد الجامعية والتي يجب أن يتمسك بها كافة أعضاء هيئة التدريس بالجامعات.كما وجه وزير التعليم العالي بضرورة اتخاذ كافة الإجراءات الكفيلة بصون كرامة أعضاء هيئة التمريض والحفاظ عليها، كما أكد الوزير على احترام وتقدير كافة أعضاء هيئة التمريض لما لهم من دور وطني وإنساني راقٍ في دعم المنظومة الصحية.