للوقايه من الاورام............. بقلم دكتور .فراج هارون

 بقلم دكتور فراج هارون

للاسئله الكتيره التى وصلتنى وتصلنى باستمرار سواءاً خاص او فون لمن يعرفه عن الوقايه من الاورام ساقوم بإعادة نشر البوست تاني :

للاسئله الكتيره بتاعت انا باخد كيماوي ليه مانا عملت العمليه وشلت الورم , بنعيد نشر البوست ده تاني,,

يعني ايه ADJUVANT TREATMENT

بالعربي بنقول عليه علاج مساعد او علاج وقائي

والكلمتين صح لانه علاج مساعد للعلاج الاساسي في الاورام اللي هوا الجراحه بانه بيقضي علي اي خليه لا تري بالعين المجرده انتشرت في مكان الورم بفعل الجراحه

وبرضه وقائي صح لانه بيقي الجسم من اي ارتداد او ارتجاع للورم

العلاج ده بيتاخد والعيان CANCER FREE,,,يعني معندوش اي اورام في جسمه او بمعني ادق معندوش اي اورام نقدر نكتشفها باي اشعه ممكنه في جسمه

طب بيتاخد ليه

اي ورم علشان يبقي حجمه 1سم يبقي فيه من 1 الي 3 مليون خليه علي الاقل

قيسوا علي ده لو الورم بقه 2 او 3 سم او اكتر حيبقي فيه كام خليه

الخلايا دي مش بتفضل في مكانه دي بتمشي,, شويه منها بيمشوا في الدم ويروحوا يلبدوا في اي حته

اقرب حته هيا الغدد الليمفاويه القريبه من الورم علشان كده عاده بنشيلها ونسبه الاصابه اللي فيها بتدينا فكره عامه الورم انتشر في الجسم قد ايه

بعد كده ممكن الخلايا دي تستوطن اي حته العضم الكبد الرئه المخ,,اي حته

احيانا في اورام بعينها الخلايا لي فيها زي ما يكون فيها بوصله بتحب تروح اماكن معينه

زي مثلا سرطان الثدي بيحب يروح العضم والرئتين

سرطان القولون بيجري علي الكبد

سرطان الرئه بيحب المخ اوي

الساركوما بتحب الرئتين اوي

انما مش ضروري بيروحوا اي حته والسلام

ده السبب اننا بندي جرعات علاج كيماوي في العيانين بعد العمليه وهما اساسا معندهومش ورم في جسمهم انما عندهم خلايا صغيره جدا منقدرش نكتشفها والا تعرف هاجرت من الورم علي فين

بندي علاج يمشي في الدم ويروح الجسم كله يتعامل مع الخلايا دي ويقضي عليها قبل ما تكبر وتعمل مشاكل

الاورام الكبيره اللي درجه تحورها عاليه اللي وصلت للغدد الليمفاويه بنسبه كتيره اللي احتلت الاوعيه الدمويه الصغيره جوه الورم هيا الاكثر عرضه للانتشار وهيا دي اللي لازم تاخد كيماوي

ودي الحاجات اللي لازم تقريرالباثولوجي يتضمنها علشان اعرف الورم ده عرضه للانتشار بالتالي الارتداد والا لا

عاده الكيماوي لازم يبتدي في اسرع وقت بعد العمليه اول ما العيان يقدر يفوق ويعدي فتره نقاهه قصيره من العمليه ويستحمل ياخده في غضون اسبوعين لاقصي حاجه 4 بعد العمليه يدوبك اول ما الجرح يقفل ,, وكل ما يكون بدري كل ما يكون احسن

وعلي حسب الورم لو اتاخر الكيماوي لاي سبب احيانا بيبقي زي انك ما تديش كيماوي خلاص الخلايا استوطنت الاعضاء المختلفه واحتلتهم علي وشك تعلن انتشارها

الكيماوي رخم ومتاعبه كتير بس مهم اوي في منع الارتداد الانتشار

طبعا حد حيقول انا اخدت الكيماوي وبرضه رجع لي المرض بعد كام سنه

اولا خدتوا بانتظام والا لا

ثانيا كان الكيماوي المناسب لحالتك بجرعات مظبوطه والا لا

اتاخرت والا خدتوا علي طول

لو كل ده كان بالطريقه المثلي يبقي ان مساله منع الارتداد دي مساله احتمالات لا يمكن تصل الي 100% بمعني انك لو اخدت الكيماوي نسبه ارتداد الورم عندك حتكون اقل ب3الي 5 اضعاف نسبته في اللي ماخدش كيماوي انما لا يمكن تصل للصفر

امتي توصل لنفس النسبه عند الشخص السليم اللي لم يصاب باي ورم لما يعدي عليك 5 سنين وانت منتظم في المتابعه وماحصلش ليك اي ارتداد

وعاده الارتداد بيحصل في اول سنتين وكل ما يعدي الوقت كل ما احتمالات الارتداد تقل.

حد بيقولي كلمنا عن الوقايه وأساسا أنا كتبت بوستات كتير ازاي نقي نفسنا من الاورام..

بتتلخص في كلمتين خلي عندك جهاز مناعى قوي ومترهقوش علشان يقدر يحميك فى اى وقت وضد أمراض كثيره جدا ..

وعند اي اعراض غريبه تحصل لك اجري بسرعة علي الدكتور..

يعني ما يبقاش عندك كحه مش مستجيبه للعلاج اسابيع طويلة وتقول ده دور برد..

ميبقاش عندك نزيف وتقولي دي لخبطه هرمونات..

ميبقاش عندك كلكيعه في صدرك وتقولي ده كيس دهني..

متبقاش دلالات الاورام بتعلي وتقول أصله التهابات ..

ميبقاش عندك وجع مبرح في العظام وتقول ده غضروف..

خليك صاحي لنفسك لان إكتشاف الإصابه بلا أورام بدري بيخليك تتعالج بدري يبقي درجه الشفاء عاليه..إن شاء الله

وبنعيد البوست بتاع إزاي تحافظ علي جهاز المناعه عندك وتخليه يقوم بدوره بكفاءه
معلومه سريعه

قلنا وبنقول وحنقول كمان

ازاي ترفع مناعتك

ازاي تزود كفاءه جهاز المناعه

جهاز المناعه عضو مهم زي القلب والرئه والمخ والكبد..

لازم تتعلم ازاي تزود كفاءته وماتتعبوش..

جهازالمناعه مسئول عن محاربه كل ماهو غريب بيهاجمك..

بكتيريا ..فيروس.. طفيل .. وطبعا اي خلايا سرطانيه متحوره فيك

لو جهاز المناعه عندنا مش شغال كان كل الناس جالها سرطان بلا مبالغه..

جهاز المناعه بيتكون من خلايا ليمفاويه متعدده واكتر من نوع كلها بتحارب كل ماهو دخيل علي الجسم..

الخلايا دي بتتصنع اساسا في نخاع العظام وشويه في الغدد الليمفاويه بتتصنع ويعاد تدريبها وكمان في الطحال واحيانا في الكبد..

الكيماوي لانه بيشتغل علي الخلايا اللي بتنقسم بسرعه فبيدمر جزء كبير من خلايا نخاع العظام اللي بتصنع مكونات جهاز المناعه..

وعلشان كده فيه حقن معينه بتتاخد لتنشيط النخاع وتخليه يصنع خلايا بدل اللى راحت دي

تساعد جهاز المناعه ازاي

بانك تاكل كويس واكل صحي خضروات وفواكه طازجه بروتينات وكاربوهيدرات علشان تقدم المواد الخام والطاقه اللي النخاع يصنع بيها الخلايا الليمفاوية..

تبتعد عن العادات السيئه اللي بتلهي جهازالمناعه في حروب ممكن الاستغناء عنها

اهمها التدخين بانواعه..

شرب الخمر..

اكل الاكل اللي مليان مواد حافظه ودهون مهدرجه..

ماهو جهاز المناعه مش حيحارب في مليون جبهه يعنى .

وبعدين تعالج اي مرض مزمن عندك وتظبطه اذا كان ضغط او سكر او ارتفاع في دهون الدم لانها بدورها بتعمل متاعب والتهابات وعدوي متكرره تهلك جهاز المناعه..

اخر حاجه واهم حاجه

حالتك النفسيه

كل ما تكون الحاله النفسيه منخفضه كل ما جهاز المناعه يقع ويبقي تعبان ومعرض لان اي حاجه تنتصر عليه..

اغلب مرضى الاورام بيقولوا ان الورم جالهم بعد هزه نفسيه وزعل جامد جداً..

القلق والتوتر والخوف والترقب كل دول بيدمروا جهاز المناعه

روشته مجانيه من د.فراج هارون ..إستشارى التغذية العلاجية

كل كويس خضروات وفواكه وبروتينات وكاربوهيدرات

عالج وقاوم امراضك المزمنه

ابتعد عن الزعل والتوتر والخوف الغير مبرر

جهازك المناعي حيقوم بدوره ويحميك ويدافع عنك
حقيقة دامغه وبابحاث موثقه علميا فى كثير من مراكز علاج الاورام العالميه بان علاج الاورام بالكيماوى والإشعاعى الموجه الحديث لاتفيد المريض الا بنسبه ٢.٥٪؜ فقط وفشل بنسبة ٩٧ ٪؜ والنهايه الموت لتدمير الجهاز المناعى مسبقا بالعادات السيئه وعدم الاكتشاف المبكر والمتابعة المستمره
تمنياتى لجميع المرضى بالشفاء العاجل ..اللهم امين