بوسي مرسي تكتب : عيون عاوزة رصاصة
بقلم : بوسي مرسي
"رئيسة قسم الاجتماعيات بمكتب الكويت"
في حياتنا كتير من العيون عيون عاوزة رصاصه لكل عين بصاصة ... مالها جفون لها بس عيون ترشق وترصد ، عيون واخده قرار بعدم الإقرار بالبعد عنا.
عيون ملازمانا زي ضلنا عاوزة تضلنا ، ومن الحزن تهدنا، مالكم ومالنا، عينكم جابت أجلنا ، جواكم سواد أقرب شئ ليه السكات.
عاملين حبايب وشويه قرايب و،من جوه القلب غل وكره، في الوش مراية ومن الظهر سلاية تقطم الظهر ، شوكه تشوك وياريتك تشوك بعيد عني لا والله دا أنت أصلك قريب مني ، وأنا مش واخد بالي وعملك كل أحبابي وأنت أصلك خالي من كل شئ خيالي عايش في الدور إنك مظلوم، وأنا أفضل منك باصص عليا بعين رضيه وراشق فياكل تركيزك.
ماتبص شويه علي حالك ياعنيه، يمكن تلاقي فيك شئ باقي من حبة حنيه، وتحل بقي عني وتسيبني يا ابني ، عينك قسمتني وفصلتني فصل من كتر العصر أ،نا والله عندي من المشاكل كتير بس أنت أصلك ماعندكش تفكير.
باصص بس علي غيرك شايف حلوه، وسايب مره، اهدي شويه واهدي عليا، باصص ليه وعشان ايه، أنت كمان واخد حقك تمام، وأخدهم ٢٤قيراط، حبه جمال علي حبه عيال، علي شويه صحة، بس متفرقين أنا مش فارق معايا إنك مركز ويايا.
أصل أنا ربي حاميني من عينك وراقيني بس أصل العين فلقت الحجر وأنت والله ياأخي قلبك حجر حاسد وفاسد شوف شويه أنا عندي كتير مقاسي ربك خلقها علي مقاسي وأنا لابسها ومقيفها علي مقاسي ايه رأيك تيجي تلبس أنت مقاسي وتشوف قد إيه أنا بقاسي.
بس عامل نفسي ناسي ومركز مع حالي وعايش مع أحوالي لكن أنت لا حول ولا قوة مفيش عندك قوة غير إنك راشق عينك فيا مفكر أن دة حيكسرني لا والله دا أنت كده كده هاتخسرني أنا زيي زيك عندي ضعف ونقص بس أنا راضي بكل شئ متراضي.أ
نت بس أصلك بطران علي كل شئ وحتكون بكده خسران أصل ياسيدي البطران سكته كلها قطران كفياك تبطير علي حالك كتير غيرك بيتمني حالك ويقول يا رب أعيش لو ثواني في أحوالك عندك أية أية متبطر ليه ؟؟؟؟؟
أولا :حبه مرض غيرك بيتمني يكون عنده مرض عشان يروح مخلص كل العرض عشان يتعرض علي الخالق خالص مخلص.
ثانيا :حبه قلة رزق أفرض جالك الرزق والصحة راحت غيرك بيتمني يصرف كل ماله عشان يصلح أحواله.
ثالثا:مافيش عيال غيرك جابهم وياريته ماجابهم حيران بيهم من كتر الأمراض مش قادر يقويهم.
رابعا : كتر العيال غيرك يتمني ضوفر مش لاقي إحمد ربك إنك في عيل سندك يشيلك وقتت ماتمشي وقت مايغيب الرمش..
كلها نعم ربك بس أنت إحمد ربك وخليك في حالك تتعدل كل أحوالك وأبعد بقي عينك عنا عشان والله جابت أجلنا كفياك عيون بكرة عليك تكون شاهدة إنك بصيت في رزقي روح بعيد عني أصل أنا مش مسامحك ياأبني ومش حعرف أعمل زيك وأرشق عيني في قلبك أصل أنا جربت ومنك كتير أحترت من كتر ماعينك مارشقت فيا...
