وفي المساء حديث آخر ..وفي يوم النصر ..ثورة ٣٠ يونية ..وثورة شعب اراد الحياة ..بقلمي ..فاطمة الخياط
مساء الخير علي أحبابي صباح الخيرعليكي يامصر ياحبيبتي ... انا لسة ماسكة الفرشة وبأرسم ..بس بأرسم النهاردة واقع عشناه ... صورة واقعية ..عشناها وبقلوبنا عشقناها وعمرنا ماحننساها ..صورة شعب أراد الحياة ... وقائد رفع راية الحب والولاء لوطنة اللي أعطاه . .. ألتف الكل معاه ..وخرجنا رافضين الاستسلام ... لا يوم حنكون أخوان ولا حنخون جيشنا المنصان بإرادة رب العباد ... خرجنا إيدنا في ايده ..قائد همام ... حالفين ما حنرجع لبيوتنا الا لما يتعدل المسار ..مسار ثورة انعوج وراح لأيدين ناس مش ناس ولا لها عزة أوطان .... وقدر قائدنا السيسي بحزمه وارادته وارادة شعب وجيش لاينام ... يقضي علي كل جبان خاين لأمانة وطنه وعدل المسار ... مسار ثورة شعب أراد الحياة ... وأخدنا وايدينا فأيديه وعاهدنا أن بلدنا في عنيه ... ووعدناه ان احنا معاه بالعمل حنبني ونعمر وبلدنا حتعدي الأزمة وحتصبح في يوم جنة والخير حيعم علينا والدنيا أهيه ضحكت لينا وبشاير القمح طالعة وفي ايدينا وخطة تعمير لبلدنا طرق ومدن جديدة ومصانع تشغل اولادنا واراضي مزروعة بخيرها علشان حنكفي احتياجاتنا ولايوم حنمد ايدينا لغيرنا ... ماهي مصر حافظها اللي خلقها .. وبجنود جيشها اللي صاينها .. والأمن اهو عاد لينا بعنين ناس سهرانه بتحرسنا وقيادة عايشة حياتها لينا .... وبالفرشة اللي في ايدي لسة ومش حأسيبها بأرسمكم يا شباب بلدي بتشتغلوا ليل نهار ليها وخايفين عليها وتبنوا وتعمروا فيها علشان حلمنا يتحقق ومصر تقود العالم بيكم ...ومعاك كلنا يا رئيسنا حنكمل المشوار ..مبسوطة يا مصر ياحبيبتي ..ما انا بنتك ولسة بالفرشة حأرسم وحأكمل وأرسم مستقبل جاي بالفرحة .
