طريقة عمل الفتة بالخل والثوم
داليا زردق المصريين بالخارجمقدمة من / ندى زهران
المقادير /
كيلو لحمة
نص كيلو ارز
نص كيلو عصير طماطم متصفى
معلقة ثوم مفروم كبيرة
ربع كوب صغير من الخل
عيش مقطع مكعبات
زبدة بلدى
زيت ذرة
ملح
فلفل اسود
الطريقة /
١- هنسلق اللحمة
٢- وفى حلة على النار نضع معلقتين زبدة ومعلقتين زيت ذرة ونحمر فيهم العيش حتى يأخذ لون ذهبى جميل
٣- نرفع العيش على مناديل مطبخ لتصفية اى دهون زيادة
٤- نضع حلة على النار نضع فيها زيت وزبدة ونضع معلقة الثوم المفرومة ويتم تحمير الثوم حتى يأخذ لون ذهبى
٥- ننزل بربع كوب صغير من الخل على الثوم المتحمر
٦- نضع رشة من الفلفل الاسود وملح حسب الرغبة
٧- نترك الثوم والخل حتى يتم الغليان وننزل بعد كدة بعصير الطماطم ونتركهم حتى يتم تسبيك الصلصة بشكل جيد
٨- فى حلة اخرى هنعمل الارز نضع زبدة وزيت وننزل بالأرز المغسول ومتصفى ونشوح الأرز حتى يصبح مفلفل ننزل عليه بالماء المغلى ونضع ملح حسب الرغبة ونتركه يغلى واول ما يبدأ يتشرب نهدى النار عليه ونتركة حتى تمام النضج
٩- هنضع كبشتين من الشوربة ومعلقة صلصلة من صلصة الفتة على العيش المتحمر ونغطى علية علشان يطرا
١٠- نيجى بقى علشان نرص سرفيس الفتة الجميل بتاعنا هنضع طبقة من الارز وعليها طبقة من العيش وفوق العيش نرش بسيط صلصة من الفتة وبعد كدة طبقة تانية من الارز وفى النهاية نضع الصلصة بشكل جميل لانها بتدى شكل للسرفيس جميل
١١- وفى النهاية هنحمر اللحمة فى ذبدة ونضعها حوالين السرفيس بالكامل
كل عام والأمة الإسلامية بألف صحة وخير و عيد اضحى سعيد