حكاية غراب .. حدثت بالفعل
بقلم: سالم هاشم
كل يوم حدوته واليوم حكاية غراب
غراب نقيب شرطه ضابط منضبط
مهمته يحبس الناس لكن...
دى رسالة غراب !؟
_ آه رسالة غراب يحبس الناس بس مش أى ناس ،المجرمين بس ، أى حد مخالف بحكم محكمه ، مثلا تاجر مخدرات بيدمر ابنك وأخوك ،مثلا بلطجى بيهدد أمن الشارع ال انت فيه ويسبب قلق للقرية أو المدينة ال انت عايش فيها ، مثلا الحرامى ال بيسرق ممتلكاتك ويتسبب في خسارتك أمثلة كتير وجودها بيمثل خطر علي المجتمع.
يعنى مش بيحبس كدا وخلاص.
_آه ، هى سيبه ، دا راجل فى وزارة داخل دولة ، مايغركش مطلع الكلام.
_إسمع بقي
غراب الضابط المنضبط في يوم دخلت علية حملة التنفيذ بمجموعة من المطلوبين بينهم سيدة عجوز وكان دا في مكتبه، مكان شغله، داخل مركز شرطة المنزلة بمنطقة الشمال في الفلاحين بآخر محافظة الدقهلية.
وكالعادة ومن الطبيعي الضابط بيراجع المطلوبين وملفاتهم علشان يتوزعوا حسب أحكامهم لحد ما جه الدور علي سيده مسنه(ست كبيرة في السن) نظر إليها قائلا إي حكايتك ياست !ثم وقع بعينيه علي ملفها متسائلا ليه مش بتسددى ، حكمك نهائي ، ليه مش بترجعى للناس حقوقها!؟
ماكان من السيدة المسكينة مكبلة الحرية بالدين المقهورة بحكم الحبس في آخر أيام عمرها وبنبره حزينة أجابت قائلة، اعمل إيه ياباشا مافيش معانا واحنا فقرا والفلوس دين لعلاج جوزى وأكملت في استسلام وحسرة، آدى الله وآدى حكمته. وسكتت
الضابط الحاد النظرة تغيرت ملامحه ولمعت عينية بحزن تخفيه هيبته الشرطية لكن تحرك قلبه لموقفها وفقرها .
الضابط المنوط بتنفيذ القانون
وحبس المخالفين، منهم السيدة المحكوم عليها والتى أحزنته وأثارت العاطفة بداخلة جعلته فورا يخالف القانون بطريقة مشروعة لاتتعارض مع الدولة وتتوافق مع الإنسانية التى جعلت منه إبنا لهذه السيدة العجوز وكأنه مكلفا عنها بالسداد .
علي الفور
قرر ان لاتدخل السجن وأحضر مبلغ الدين من ماله الخاص وأنقذ الأم العجوز من السجن وخرجت العجوز وسكنت دفء بيتها بحسن ظنها في الله الذي بعث لها الضابط غراب
ظل يمارس مهامه فرحا بما صنع في سرية تامه حتى تسرب الأمر دون علمه وكأن الله أراد ان يضرب المثل العظيم فيتعلم منه الآخرون ويطمئن المكروب الذي يحسن الظن في الله بأن هناك من سيفرج عنه ويحضر لينقذه من السجن وان كان علي بابه كهذه السيدة العجوز.
شكرا النقيب
احمد غراب رئيس مباحث تنفيذ مركز شرطة المنزلة بالدقهلية
اليوم ١٥/أكتوبر ٢٠٢٠
ودى حكاية اليوم عن الظابط ال بيحبس الناس
لكن مش أى ناس،الناس المجرمين وبيساعد المحتاجين.
