حورية فرغلي تكشف تفاصيل رحلة علاج أنفها خلال 9 سنوات

كشفت الفنانة حورية فرغلي، تفاصيل رحلة علاج أنفها خلال 9 سنوات، وذلك في أول تصريحات لها بعد عودتها لمصر من أمريكا وإجرائها 4 عمليات جراحية هناك.

وقالت فرغلي، خلال حوارها عبر "زووم" مع الدكتور معتز عبد الفتاح، ببرنامج "تحت الشمس"، عبر فضائية "الشمس": "الإصابة بدأت منذ 9 سنوات، كنت في منتخب مصر للفروسية، والحصان وقع فوقيا وكسرلي مناخيري تماما".

تابعت: "رحلة علاجي مرت على بلاد كتيرة أوي، زي فرنسا والنمسا وبريطانيا والسويد والدنمارك وغيرها، وكنت فاكرة الموضوع في الأول بوظلي شكلي فقط، لكن مبقتش كمان عارفة أتذوق أي حاجة ولا أشم أي حاجة، وقعدت سنتين على الحال ده".

واصلت: "روحت بعد كده أمريكا واتقالي إن عمليتي صعبة جدا من كتر العمليات اللي عملتها، كنت عملت 11 عملية قبل ما أروح أمريكا، وكتر العمليات طبعا بوظت الدنيا أكتر، الدكتور قالي لازم تقعد معايا هنا 4 شهور لأني عملت العملية على 4 مرات والحمد لله بقيت بخير".