علا غانم تفاجيء لميس الحديدي بالاعلان عن سنها الحقيقي .. والآخيرة : دي جرأة منك!

هعمل عيد ميلادي لاول مرة في نوفمبر عشان سن الخمسين مهم جداً في عمر الانسان بعد الانجاز والشغل
أجابت الفنانة علا غانم على سؤال الاعلامية لميس الحديدي حول خطتها لاخذ إستراحة طويلة بعد تخرج بناتها من الجامعة على عكس مايجري أن تكون الاجازة في صغر الابناء لرعايتهم قائلة : " عشان أنا كنت " بابي ومامي " في نفس الوقت بعد إنفصالي عن زواجي الاول حيث جرى الانفصال في البداية دون " طلاق " حتى تكون فرصة لي لامكانية العدول عن قرار الانفصال خاصة وأن زوجها الاول كان مصراً على عدم الطلاق وأن أراجع نفسي " مضيفة "مارجعتش نفسي وفضلت مصرة على رأيي وبدات علاقتنا تتحول لصداقة حتى يكون بوسعنا التعاون في تربية البنات ".

وكشفت في لقاء خلال برنامج " كلمة أخيرة " الذي تقدمه الاعلامية لميس الحديدي على شاشة " ON" أن سبب زواجها المبكر في سن 17.5 يعود للعادة وقتها وماوصفته ب" موضة الزواج المبكر " لتقاطعها الحديدي قائلة : بس إنتي مشقديمة أوي كده إنتي صغيرة برضه لتفاجئها غانم معلنة عن عمرها الحقيقي قائلة : " أنا خلاص هكمل 50 سنة اخر نوفمبر القادم " لترد الحديدي قائلة : جرأة برضه إنك تقولي السن كده ؟! لتعود غانم وترد قائلة : " أنا مبسوطة وسعيدة وعاوزة أنبسط بحياتي والناس تقول شوفوا الست الي عندها " 50 سنة " شكلها عامل إزاي ؟! اياً كان الشكل إيه ؟حلو او وحش عاوزة أستمتع بسني عاوزة افرح في كل مراحل حياتي وأعمل عيد ميلاد "

أكملت : " معملتش عيد ميلاد قبل كده لكن هعمله السنة دي لان سن الخمسين مهم جداً والناس هنا في أمريكا بتحتفل بعيد الميلاد مرتين في سن 16 وسن 50 وده سن مهم بالنسبة لي عشان البنات بنسبة كبيرة بتكون إتجوزت وده سن يعني الانجازات والعمل وبعدها تبقى فترة تقييم هل الي عملته صح ؟ أو كنت راضية عن حياتي ؟ هل لعبتها صح ولا كنت غبية "

وكشفت أنها في بعض الاحيان كانت تشعر أنها تأخرت في فمكرة البقاء مع بناتها قائلة : في ساعات كنت بحس أني غلط وأني تأخرت فيقرار الابتعاد كنت عاوزة أقعد مع البنات قبل زواجهن كانوا بيكبروا قدامي وبيتخرجوا ويتجوزوا